以前返學個陣, 當然好恨打八號風球, 咁就吾駛返學啦嘛! 但做呢份工之後, 就最好吾好打風啦!! 因為飛機有可能delay, 咁d客又會"燥"d, 我地又辛苦d; 如果撞啱放假又慘, 得返"室內活動"!!
今次呢個"柏布"風, 我就係放假啦! 原先諗住整完指甲就返學再行街架嘛, 點知一邊整指甲一邊睇新聞, 佢巳經宣布三時半前掛八號, 咁啱我整完指甲就兩點四十五分左右, 個個時間就係全世界放工既時間, 個陣我都諗住返屋企, 但地鐵站入面實在太多人, 每班車都滿滿, 根本上吾到一個人, 我等左好幾班車都一樣係咁, 加上我係地鐵有數次暈眩既記錄, 結果我搭去中環站先囉, 起碼入到車廂先嘛! 不過沿途各站d人都係咁迫入嚟, 又爆晒粗口, 情況係恐怖架, 下次我都情願係街遊盪一陣先返屋企啦!!
晏晝睇Music & Lyrics隻碟, 我一向都好鍾意睇Hugh Grant, 今次佢係入面載歌載舞, 勁好睇(佢唱歌好好聽), 更加鍾意佢呀!!!
No comments:
Post a Comment