狗年快樂

一向都麻麻地做sin flight, 不過今趟都okay喎, 加上去到個邊同d crew又大吃大喝, 相當開心呀!!! 由於係機上冇時間食野, 所以我地先買麵包頂肚, 然後擦左碟海南雞飯+魚蛋湯, 再走入chinatown行街, 個邊既過年氣氛相當強勁, 行下行下又俾我地搵到小食檔, 又點左串燒同甜品, 差d想點埋laksa和胡椒蟹!!!! 不過冇能力再食啦.....

今日屋企食團年飯, 我地訂左個盤菜食, 雖然係細size, 但真係吾會食得晒囉......

今個新年要做一班long haul flight, 要初五先返呀, 係呢個黃金時間抖吾到利是呀.....在此, 預祝每位朋友仔身體健康!! 心想事成!! 橫財就手!! 大吉大利!!

印尼餐廳

昨天係小肥羊, 偷吃左一片羊肉o者, 今日我塊面即刻出事, 以後我都吾敢亂吃; 其實我巳經好耐好耐冇食羊肉及牛肉, 今次係因為佢地order左一種所謂頂級既極品羊肉, 我先偷左一小片食咋....其實都不外如是.....

今日約左amy, angie & shannon係印尼餐廳飯敍, 我都吾敢亂食d串燒, 要問清楚先好!!! 之後angie個fd同我地一齊食糖水,由於佢係財經界既人, 所以我地係咁問d基金呀, 股票呀等等, 咩白痴問題都出晒, 但最終既結論係"我要搵快錢!!!", 我會等下有咩新股架啦...!!

喪玩@paris

18-22 JAN temp: 10 oC Cloudy
今次再重遊paris有點不同, 因為係同我classmate shannon一齊, 所以兩個由朝玩到晚, 完全冇諗過paris治安!! 原先我諗住冇乜野要買, 因為兩個月前先來過, 但撞o岩宜家個邊減價, 應買個d冇買, 吾應買個d就買晒!!!!

• 一抵步瞓左兩個鐘就出動啦, 首先要到lafayette睇下減到咩環境先; longchamps好平, 有d 25eruo就有, 仲要係桃紅色, 不過我麻麻地, 剩係幫我家姐買左一個; burberry都有減價, 有一條格仔頸巾勁鍾意, 但都係冇買, 因為吾可以俾自己咁衝動, 只係啱啱開始o者, 我知自己一定有其它野要買!!
• 之後, 轉移到champs-elysees, 除左係凱旋門影相, 當然吾買都要入lv睇下, 睇下睇下就真係出事啦, 我地二人都中招, 不過之後聽個同事講, 話我地買個個之前係日本係限賣!!!
• 今次都有到leon食mussels, 相比其它cafe or 餐廳, leon真係好抵食, 而且係paris飲酒勁平, 係leon, 一杯酒既價錢同可樂係一樣, 我地order左 rose wine, 飲完夜晚勁好瞓囉, 吾會有jetlag!!
• 晚飯後, 我地勁想搵個lv luagge影相, 但最終都係搵吾到, 行下行下又到左巴黎鐵塔, 原先諗住明早去架嘛, 宜家睇夜景仲靚; suddenly到十點, 個鐵塔閃晒燈, 長達五分多鐘, 影到我隻手好攰(我拍video呀...), 個鐵塔變左聖誕樹咁呀!!!!
• 第二天大清早, 我地先到羅浮宮及tuileries花園影相, 個度既環境好靚, 我諗夏天一定更美呀!!其實今次我地都有sight-seeing架, 不過好多都係"到此一遊", 因為我地二人都勁鍾意shopping, 由於時間緊迫, 冇辨法啦!!!
• 下午到左一間cafe食lunch, 我地二人誓要食cake飲coffee, 最終order左個melt chocolate類似心太軟既東西, 一插隻义入去d朱古力就好似熔岩咁泌出o黎, 個cake比香港食個d好味得多呀!!!
• 之後, 趕回lafayette一帶作最後衝刺, 首先係agnes b執左件平tee, 真係好平, 折上折之後around 港幣100!!! 有少少時間剩, 再到隔離printemps, 臨閂門一刻都俾我執左件皮褸, 其實我想買皮褸好耐, 但係香港睇吾岩, 所以買左都好開心呀!!!! 咁大個人第一次擁有皮褸咋!!
• 經過今次之後, 有少少猶豫七月應否再來呢??!!

計劃中的旅行

各方都認為不要浪費那抽獎得回來的free ticket, 我都覺得好應該試一下, 所以定下左今年既旅行計劃!! 如無意外, 七月初應該放大假, 所以要去一去東京五天, 返來就會自己一人獨闖巴黎, 今日仲買左本旅遊書, 要諗諗點攪, 諗下諗下應該七月架啦!!! 反正明天做paris flight, 本書都有用呀...!!! 我諗我應該冇問題架~?

上班前的一天

日子過得真快, 轉眼間又放完大假, 明天開始又返工啦, 真係未抖夠呀....相信下次既長假應該係七月吧!!!! 今日覺得自己做左好多野:

• 今日約左洗牙, 順道去同julie食飯和送那些小小小手信, 仲俾我發現又有那條double d水晶鍊, 個條係我入職時巳覺得好靚既一條頸鍊, 不過當時覺得同自己吾係好襯.
• 洗完牙覺得乾淨左, 但我諗我d牙係要漂白先得, 飲咖啡令我d牙越來越弱, 越來越黃.
• 之後去左買"返工鞋", scholl都okay舒服, 總比dr. x好得多, 個外型都好d.....好開心, 明天開工可以著新鞋, 感覺好似開學咁....
• 前幾天翻看UEFA 05 final, 先發覺原來我個盒錄影帶只有下半場+往後的東西, 所以係吾完整既, 咁今日就誓要買佢個個dvd啦, 搵左好幾間先搵到咋....其實剛剛出個陣真係超級想買, 不過覺得貴, 最後都冇買; 今日俾我搵到同買翻佢真係好開心, 急不及待返屋企勁煲啦...!!!
• 隻dvd好值得keep, 而且入面吾止場比賽, 仲有好多花邊野, 例如訪問啦, parade片段啦, pre-match等等, 仲可以聽到Steven Gerrard講野添呀!!!!! 佢把聲好okay呀!!!!!

新春大出血

第一次新年係東京過, 係街見到d人著晒d和服, set個靚靚頭, 超開心!!! 今次我來既目的其實就係shopping o者, 因為新年各大百貨公司都減價, 所以應該執到好多野架!!!

• 由於大部份的店舖係二號先開店, 所以就趁一號呢個假期去六本木sight-seeing, 上去tower睇下東京夜景, 買下村上隆個朵花和波波.....
• 呢幾日來, 都係一日兩餐(早餐+晚餐), 吾係減肥, 係要爭取時間行晒大部份既店舖, 今趟都冇食勁野, 最貴個餐應該係迴轉壽司咋!!
• 天氣都吾算太壞, 都係灑過一日雨啫, 氣溫約2-5 oC, 我的衫都夠頂, 不過真係好乾, 每晚都要攬住支水瞓, 架姐真係冇講錯, 果然suntory既天然之水最好味!!!
• 日本人真係好癲喎, d百貨公司未開, 門口巳經排左條人龍啦, 不過我都入到去, 因為大家既target吾同呀....不過氣氛好好呀!!! 個個既購買慾相當高昂呀....!!!!
• d野真係好抵買呀, 好多品牌都係七折or半價, 平香港好多!! 尤其是as know as最抵買, 真係好平好平....
• 當中有一日要去表参道搵個袋, 個間舖又係嚇死人, 其實冇減價, 但都係有人龍囉, 要分批咁入去, 不過佢安排得好好呀, 首先要攞"飛仔"等叫number, 佢叫我約個半鐘先再返來排, 咁就吾駛企係度"白等"和"食風", 呢個半鐘又潛左去涉谷行左一陣.....哈哈....最後當然買到個袋啦, 仲要係自己最鍾意個個啦!!!! 不枉此行!!!
• 一年前曾經跌"親"個腰骨, 可能今趟真係日日行, 又拎住一袋二袋野, 條腰骨日日作痛呀....真係有d驚.....
• 今趟冇乜點買手信呀, 零食呀.....一來銀根短缺, 二來真係拎吾到, 個"喼"真係好重!!!!
• 兩年前來個陣, 新宿個站周圍圍晒板, 好似裝設電梯, 諗住今次o黎有電梯吾駛自己拎個"喼"上樓梯啦, 點知仲係圍緊板....仲未ready....真係吾得佢死呀...拎到我死死下...
• 經過今役之後, 真係好想七月減價再o黎掃過呀.....