Santa Monica

每次做LA機都好煩, 因為我地住得太遠, 永遠既節目就係行個個細細mall, 今次夾啱人, 一齊去左santa monica行街街!!! 由酒店搭巴士去個度其實只要usd0.75, 但就要坐40分鐘, 不過傾下傾下好快就到囉!! santa monica除左係行街勝地之外, 其實最有名係個beach, 水清沙幼, 海岸線極長, 趁夏天還未結束, 真係要好好感受加州陽光; 我地亦都係沙灘附近一間叫"bubble gump"(吾肯定)食lunch, 佢地出名既係蝦, 果然好好味; 而入面既裝修都好靚, "forest gump"可能係呢度取過景, 因為入面有好多劇照, 戲服等等, 我地話返屋企要翻睇forest gump!!

呢度果然係hollywood世界, 我地撞到有人係沙灘拍戲, 不過八吾到有咩明星哦!! 行街呢個環節真係冇得傾, 我地既主打項目A&F玩左三粒鐘, 仲有Sephora, GAP, Victoria's secret, bath & body works等等....中間係冇休息過, 好野!!! 大家都千金散盡, 但第二日繼續去細細mall拼摶!!!

p.s. mini cooper + uni rice = perfect trip

seafood@東涌

對!! 今日返公司"洗腦"後, 我地好幾個classmates去左東涌食海鮮!! 其實確實位置我真係吾知道, 因為佢有車接送, 而間餐廳其實係堆村屋入面, 但怖置各樣都okay啦, 價錢都okay, 我覺得比西貢平, 但就細碟d, 味道都okay呀!!! 我地坐下坐下, 原來都坐滿晒人, 我諗傳說中d人話係東涌食海鮮, 就係呢度嘛?!

BBQ@Cairns

20-23 AUG Sunny

今次去cairns預左冇乜野做, 都係出去食下野, 行下街(其實冇野行既), 好彩有同事suggest bbq!! 結果第二天, 我地就相約去燒野食啦, 係個度既生活即刻精彩晒!! 一早我地去左supermarket入貨, 大家都係眼闊肚窄, 所以見到咩都想食, 亦都咩都買晒!! 結果我地買左牛扒, 羊扒, 雞脾, 雞翼, 大look肉腸; 蔬菜包括菇菇, 豆豆, 粟米; 係澳洲一定要食海鮮, 我地既海鮮大集匯包括三文魚扒, 尤魚, 蠔, 大蝦!!! 其實個燒烤場係我地酒店附近, 即係係個海邊, 環境相當優美, 又多樹木, 好多人都來bbq, 野餐, 曬太陽, 踩單車, 放狗, 跑步等等, 而佢地既燒烤爐係吾駛用碳個種, 所以好乾淨!! 係澳洲食野其實好開心, 因為佢地d野好新鮮, 我地d野食全部都係garlic+butter煮, 咁就巳經好好味!!! 由於我吾食紅肉, 佢地話個羊扒超好味, 可以encore個種!!! 最攪笑係食剩左個d牛扒, 佢地帶上機再煮囉!!

ROB STYLES

Who's Rob Styles? He's the referee of the match, LIVERPOOL VS Chelsea!!
呢個球證做錯左一個重大決定, 間接令liverpool輸左(其實係和, but they deserve to win!!), 好吾抵!! 其實當中還有好多錯誤既決定, 所以睇到d人"好勞氣", d評述員都講到好憤慨咁...!!

Mini Concert

今晚看了張敬軒的mini concert!! 雖然係企位, 但我地位置吾太差, 加上佢唱得好好呀, 所以我地都企到encore完先走(原先諗住吾掂就走, 因為我地好攰)!! 佢一開場就唱"笑忘書", 記得上年"煲"左呢首歌好耐, 聽親都令人好sad!! 其實普遍佢d歌都好慘, 好似"hurt so bad", "酷愛", "my way"等等, 但原來聽live既威力仲強!! 如果下年佢真係開演唱會, 一定會睇呀!

八號風球下

以前返學個陣, 當然好恨打八號風球, 咁就吾駛返學啦嘛! 但做呢份工之後, 就最好吾好打風啦!! 因為飛機有可能delay, 咁d客又會"燥"d, 我地又辛苦d; 如果撞啱放假又慘, 得返"室內活動"!!

今次呢個"柏布"風, 我就係放假啦! 原先諗住整完指甲就返學再行街架嘛, 點知一邊整指甲一邊睇新聞, 佢巳經宣布三時半前掛八號, 咁啱我整完指甲就兩點四十五分左右, 個個時間就係全世界放工既時間, 個陣我都諗住返屋企, 但地鐵站入面實在太多人, 每班車都滿滿, 根本上吾到一個人, 我等左好幾班車都一樣係咁, 加上我係地鐵有數次暈眩既記錄, 結果我搭去中環站先囉, 起碼入到車廂先嘛! 不過沿途各站d人都係咁迫入嚟, 又爆晒粗口, 情況係恐怖架, 下次我都情願係街遊盪一陣先返屋企啦!!

晏晝睇Music & Lyrics隻碟, 我一向都好鍾意睇Hugh Grant, 今次佢係入面載歌載舞, 勁好睇(佢唱歌好好聽), 更加鍾意佢呀!!!

五星級大鼠+不能說的"咪咪"

最近看了呢兩齣電影.

"五星級大鼠"真係可以俾五粒星!! 個故事okay, 加上個畫面好靚, 起碼隻老鼠你都會覺得可愛; 而鄭中基把聲仲好襯隻老鼠, 好攪笑!! 好多人笑到拍晒手掌, 我覺得最好笑係最尾一班老鼠煮餸個part, 真係work架喎!!

至於"不能說的秘密", 其實都okay既, 起初都覺得悶悶地, 我仲以為"小雨"患有絕症個d老土橋段, 最後先知道原來個故事又係d超現實既東西, 我一向都好現實, 所以我麻麻地呢類戲囉! 但入面"鬥"琴個段好好睇哦!!