東京Summer Sale

1 - 5 July Cloudy/Shower
半年一度既東京旅行到啦, 今次既目標係買衫買"珠耳繩", 而今次乘搭既係nw....雖然冇自家電視, 但一齊睇大電視既感覺都好開心, 好似戲院睇戲咁.....!!!

第一天: 飛機冇遲到, 過關冇人龍, 一齊都好順利, 攪掂晒d野就"拿拿聲"落街盪啦.....第一時間去0101 young行一轉先, 雖然都買到野, 但感覺冇一月份個陣咁平咁抵......之後梗要行藥房啦, 今次個個朱古力能量餅都有平, 佢限每人買兩包, 我留係度成五天, 日日去買, 我都有十包呀....!!! 晚上餘興節目係england vs portugaul, 好失望又輸左......又係十二碼....

第二天: 行行下街下大雨, 呢個係一個好好既藉口俾自己去買"傘", 好開心揀到一把稱心既雨傘!!! 今日要去既地方係原宿, 竹下通兩邊既店舖"通殺"......所以消磨左成日, 行到好攰....晚上去左居酒屋食野飲酒, 我地叫左個串燒拼盤, 諗住乜都有.....但入面好幾種都係內臟, 由於我同julie都吾食, 所以浪費左, 不過個個唐辛子雞翼, 鹽燒雞翼&雞軟骨都冇得頂......

第三天: 今日行程緊密, 首先一早到築地市場食好野, 個度d野真係靚d, 新鮮d, 但都貴d....不過好好味!!!入口即溶個種!! 之後好快咁係銀座行個圈, 牛奶妺冇新野, 所以買吾到野.....之後快訪雷門寺, 然後去上野, 主要都係買野食, 我地係個間野食店行左兩個鐘都有, 實在太多野食揀啦.....有隻枝豆味百力滋超好味......

第四天: 日本人好鍾意貼靚靚個電話, 我地有樣學樣又去俾人整, 其實貼滿晒d石呀,水晶呀..真係好靚呀, 但太貴啦; 如果舖密的話要成萬yen, 咁我地只好整少少, 但都好靚架.....
今日我地係再返行原宿既.......死味?!!

第五天: 今日係落最大雨既一天, 不過我地要走啦.....下次來的時候, 應該係一月吧!!! 好快我又來啦.....

p.s. 今次第一次行e道, 真係好快好好玩呀!!!!!