柏斯係我好想去既一個地方, 因為d雜誌選親十大規劃城市都有佢份, 而且柏斯出名環境好, 相比澳洲其它大城市, 佢係比較寧靜悠遊, 三四天係個度真係舒服到震.....所以呢班flight我都係特登swap返來架......
今次好開心有crew陪我一齊join local tour, 我地揀左一個重點睇wave rock既團(又係我勁想睇既石頭), 一早七點幾pick up, 個團同auckland個個差不多, 又係搭車搭到暈, 冇辨法啦地方大嘛, 車程約四小時(係單程), 沿途經過一個細town-york, 細得好別緻, d屋好田園feel個種囉; 由於我實在太眼瞓啦, 好多時都瞓左覺, 不過沿途既風景都係牧場呀, 羊仔呀, 超級超級大片草原, 柏斯宜家都係冬天尾, 遲少少應該
會有花睇, 暫時剩係見到d野花, 同埋一隻巳經開得好勁既黃花, 一大片黃花夾著一大片草原, 黃綠兩隻色夾得好靚!!!(由於係車影, 要放大先睇到效果)下午約兩點左右到達wave rock既場地, 但先睇一個叫hippo yawn既石, 呢舊石既型態係好似一隻張大口既河馬咁, 正面睇就吾似, 但側側地都okay呀; 跟住行近少少, 就到wave rock啦, 真係聞名不如見面, 之前睇旅遊書張相, 我巳經覺得好勁, 到現瑒仲勁!!! 呢個wave rock既由來, 係由於被風同水沖蝕而形成, 我地爬上去影相扮人地好似滑浪咁, 好攪笑, 大家都影得好開心!! 之後仲可以行高少少, 由上而下咁影, 仲可以遠望附近既全景, 呢d景係邊度搵呀?!
跟住去一個小村食tea, 個guide話個度得十個人住, 裡面有學校, 發電站等等, 只要俾aud$4 便可以有coffee/tea, 同任食佢d cake呀, pastry呀等等, 雖然款式傳統簡單, 但超級好味, 應該係home made, d cream打得勁好味又吾膩, 我地當dinner 係咁食呀!!!
回程又係四個幾鐘, 我梗係瞓啦, 好累!!
No comments:
Post a Comment